Lokakvöld Suðurlandsdeildarinnar fór fram í gærkvöldi! Hestakosturinn var frábær, knaparnir til fyrirmyndar, keppnin hörð og fullt hús af áhorfendum. Það var lið Kvista sem var stigahæsta lið kvöldsins eftir frábærar sýningar þeirra fulltrúa þar sem Gísli Guðjónsson og Kolskör frá Hárlaugsstöðum 2 sigraði flokk áhugamanna, Sæmundur Sæmundsson á Sögu frá Söguey varð fjórði í flokki atvinnumanna, Sigvaldi Lárus Guðmundsson varð í sjöunda sæti í flokki atvinnumanna á Trommu frá Skógskoti og Guðbjörn Tryggvason varð í 15-16 sæti á Irpu frá Feti. Frábær árangur hjá liði Kvista!

En það sem mesta spennan var um var hver skildi verða fyrsti sigurvegarinn í heildarstigakeppni Suðurlandsdeildarinnar. Fyrir lokakvöldið gat allt gerst og hefðu fjögur efstu liðin fyrir fimmganginn geta sigrað en það voru lið Krappa, Hemlu/Hrímnis/Strandarhöfuðs, Húsasmiðjunnar og VÍKINGanna. Það var hinsvegar lið Krappa sem hélt forystunni líkt og það hafði gert frá öðru mót Suðurlandsdeildarinnar og stóðu þau uppi sem sigurvegarar með 312 stig. Lið Hemlu/Hrímnis/Strandarhöfuðs endaði annað með 287,5 stig og lið Húsasmiðjunnar í þriðja með 232,5 stig.

Til hamingju Krappi!

Lokaniðurstöður Suðurlandsdeildarinnar 2017
Sæti Lið Stig
1. Krappi ehf 312
2. Hemla/Hrímnir/Strandarhöfuð 287,5
3. Húsasmiðjan 232,5
4.-5. VÍKINGarnir 201
4.-5. Árbæjarhjáleiga/Herríðarhóll 201
6. Heimahagi 199,5
7. Þverholt/Pula 199
8. IceWear 194
9. Kvistir 181,5
10. Kálfholt 148,5
11. Hjarðartún 128
12. Hlökk 115,5

 

Lið Krappa ehf átti frábæran árangur í Suðurlandsdeildinni en liðsmenn þess áttu alltaf a.m.k. einn fulltrúa í úrslitum, sigruðu Parafimi, sigruðu báða flokka í tölti og 2. sætið í flokki áhugamanna í gærkvöldi þar sem aðrir liðsmenn voru rétt fyrir utan úrslit.

Þó að keppnin hafi verið hörð í toppbaráttunni var hún einnig spennandi í baráttunni um að fá að halda áfram í deildinni. Þrjú lið detta út þetta árið en geta vissulega sótt um að fá að taka þátt að nýju á næsta ári og fara þá í pott með nýjum liðum sem eiga þess kost að sækja um. Þau lið sem þurfa að sækja um aftur eru Hlökk, Hjarðartún og Kálfholt.

Suðurlandsdeildin verður að sjálfsögðu haldin aftur á næsta ári og mun verða auglýst eftir nýjum liðum í Október. Stjórn Suðurlandsdeildarinnar vill þakka öllum þeim sem komu að deildinni í ár fyrir sitt framlag – þetta hefur gengið frábærlega!